Godt nyttår!

No er det 2013 alt. Tida går så utruleg fort at eg veit ikkje alltid kva eg skal tenke om det. Om ei veke leverer eg masteren (for realz denne gongen, hehe) og om litt over to veker sett eg og Tor snuten mot Portland, Oregon for ein liten ferie. 

Det kjem til å bli veldig kjekt å sjå folk igjen, spesielt Liz og April. Me skal bu på hotell, reise ein tur til Seattle (eg har kun vore på flyplassen der) og gjere mykje anna gøy. Men mest av alt gler eg meg til å sjå dei herlege venninnene mine igjen! Tre år er gått sidan eg satt meg på flyet over atlanteren åleine. Igjen, tida går fort. 

Om ei veke er eg "fri" frå masteren, etter det gjenstår "kun" muntleg eksamen. Det er ikkje berre, berre for meg, for eg liker ikkje muntleg eksamen i det heile tatt. Eg blir kvalm og trur eg kjem til å seie noko dumt kvart sekund. Blir ikkje værre av at eg no skal forsvare mi eiga oppgåve. Korleis gjer ein det, liksom?

Får krysse fingrane for at dette gå strålande!

Imens kan dykk sjå på desse fine kattane oppå ein støvsugar:

Eit lite Hallo

Ein liten oppdatering kan eg koste på meg no, når eg har tatt ein beslutning om å utsetje masterinnleveringen til 1 februar. Det vart rett og slett for mykje for meg, og no har eg betre tid til å skrive ei god oppgåve som eg kan vere nøgd med.

Ellers skjer det særs lite. Bergen er kald og våt, kveldane mørke. Men det er no litt fint det og. Eg gler meg til jul og til det nye året.

Nyt hausten!

Kastanjane eg putta i lomma. 

Biletet er frå oktober. No er trea heilt nakne. 

Haust

Ja, no er oktober her. Eg har 50 dager til levering av masteroppgåve, men hjartet er lettare no, og eg veit eg klarer det. Kveldane har eg slutta å ha forann fjernsynet, då eg blir både trøytt i augene av det, og vond i hovudet. No les eg i staden opp att gamle favorittar, som for eksempel Aurora Teagerden-serien av Charlaine Harris (som og har forfatta Sookie Stackhouse bøkene). Med fint nytt teppe frå IKEA blir dei mørke kveldane med ein gong meir innbydande. 

Måtte oktober bli ein bra månad!

Primadonna

Eg har blitt hekta. På Marina and the Diamonds. Fytti så fin musikk! Den fyrste eg fekk høyre var "Primadonna", men alle sangane på den nye plata "Electra Heart" er knallbra.

Sjekk dei ut på Spotify/Wimp, og før du gjer det kan du jo sjekke ut "Primadonna" her:

Enjoy!

Tidtrøyte

Når eg kjem heim frå skulen er det ikkje noko som er betre enn å sette seg i sofaen med pledd og ei god bok. Men no i det siste har eg fått ei anna tidtrøyte etter middag. Nemleg neglelakk. Ingrid sa det så fint på Instagram, nemleg "Herregud, skal du lizzm bli neglelakkbloggar?". Tja, won't be the worst thing. Men neida, eg liker berre å konsentrere meg i 15 min på at det skal bli fint, så går eg over til lesing. Her er uansett eit par av dei siste eg har brukt:

Ein nydeleg sjøgrøn frå Barry M, med litt glitter i.

Denne var eg veldig nøgd med. Blass rosa frå Chanel underst, og så glitter frå O.P.I. over. 

Anna tidtrøyte er å rydde, men det er mykje meir keisamt. 

Søndag for ein masterstudent..

med to månadar igjen før levering. Shit iz crazy. Men eg koser meg læll, og om det vart for gale så har eg ein dunk med vin i skapet.

Det hjelp og å ha fin kunst på veggane. 

Sånn går no dagan

Livet som masterstudent nærmer seg (raskt) slutten, og panikken tek meg av og til. Det er litt over to månadar til innlevering no, og sjølv om eg har nogelunde kontroll, så kjenner eg av og til at det knyt seg i magen. MEN, eg skal klare det, eg skal bli ferdig.

Eg har fått ny lesesalsplass, som er megadigg. 3 etasje på Sydneshaugen Skole, kor eg sikra meg ein vindusplass. Nice.

Kveldane vart brukt til middagslaging, lesing og seriesjåing. Eg har nesten kome meg inn i ein rutine med å stå opp tidleg, symje, og så gå på skulen. Den må berre finjusterast liiiitt meir, så har eg den.

Kvardagen kjem og går, og snart blir ikkje helgene fritid heller, snart kjem eg nærmast til å bu på lesesalen (og eg blir ikkje åleine). Bloggen vil frå no av vere mitt fristed. I staden for å ta ein facebook-pause vil eg prøve å ta blogge-pause. Blir ikkje det fint?

Men no må eg tilbake til å skrive om rettspsykiatri og primærssakkunnige!

Fyrste dagen i semesteret

I dag er fyste dagen i mange unge nye studentar sitt liv innan høgare utdanning. Dei er spente på kva som ligg framføre dei, litt redde, men mest så gler dei seg til det fadderveka vil bringe dei neste seks dagane.

Eg byrjar no på mitt sjette år ved Universitetet i Bergen. SJETTE! Eg har sambuar, går på dugnad og et middag forann fjernsynet. For tolv semestre sidan budde eg i studenthybel og når eg åt middag så var det spaghetti med ketchup på, eg var rett og slett for opptatt til å ete og lage middag. 

Tida går så fort at eg veit ikkje heilt kvar den vart av. Eg har framleis to år igjen av utdanninga mi om alt går etter planen. Kva som kjem etter det veit eg ikkje, men eg håper det vart spanande og utfordrande. No må eg berre sjå til å skrive ferdig denne masteroppgåva. 

Til alle som er nye studentar i år: KOS DYKK! Det kjem ikkje tilbake. Ta vare på dei fyrste åra som student, du får vener for livet og skaper minner du vil ta med deg vidare - både gode og vonde. 

Eg kjenner eg vart litt sjalu på dei; dei nyfødte studentane. 

The Little Paris Kitchen

Det er gjer når eg sit på lesesalen og skriv, er å ta små pauser innimellom. I det siste har eg tatt pause med å sjå ein episode The Little Paris Kitchen med Rachel Khoo. Fy søren så mykje godt ho lager, på eit knøttlite kjøken i Paris. Legg ved fyrste episode her, så får dykk bli like hekta som meg!

Del 1

Del 2

Summer came and went

Sommaren for min del har vore København x2, flatt ut sjuk i ei veke, besøk frå Tsjekkia med tur til Rosendal, regn, jobb og ein liten tur til Bryne.

Bergen gjer frå seg det vanlege denne sommaren og, med regn og 15 grader. Litt innslag av sol av og til, men då har eg som regel vore inne på eit kontor i 8 timar.

København var megakjekt. Fyrst med familie + Tor i anledning mamma sin 50 års dag. Andre turen var med gode venninner, og då vart det mykje shopping, kafé og god mat.

No håper eg august vart betre enn juli.

Og så, litt bilete:

Baroniet Rosendal sitt gartneri, no kafé.

Fangst frå hagen. Det meste vart ete av sniglane, men litt til meg og!

Obligatorisk tur til Christiania i København.